Annonserte troppen mot Glimt – norsk stjerneskot ute

Onsdag annonserte Club Brugge troppen sin til Conference League-kampen mot Glimt på sine heimesider. Der var ikkje namnet til Antonio Nusa å sjå.

18-åringen har sidan førre landslagssamling, der han debuterte med både mål og assist, slitt med ryggplager. Han har difor ikkje vore i aksjon for Club Brugge dei siste fire kampane.

Tysdag vart Nusa på nytt tatt ut til troppen som skal representere Noreg i EM-kvallikkampane mot Kypros og Spania.

– Det er eit spørsmålsteikn ved Nusa om kvar han er i løypa. Han trener, men får han ingen kampar før samlinga, blir det vanskeleg, sa Ståle Solbakken på pressekonferansen.

Tidlegare Glimt-spelarar Hugo Vetlesen og Philip Zinckernagel får eit gjensyn med gamleklubben fredag, då dei er ein del av troppen som reiser til Bodø.